Kvennakór Akureyrar og Kammerkórinn Ísold ásamt hljómsveit halda jólatónleika sína fimmtudaginn 14. desember.
Kórarnir flytja fjölbreytta og skemmtilega dagskrá jólalaga og stjórnandi beggja kóranna er Sigrún Magna Þórsteinsdóttir.
Miðaverð er kr. 3000,- en ókeypis fyrir börn undir 14 ára.
Einungis er tekið við peningum, því enginn posi er á staðnum.
Kvennakór Akureyrar hóf starfsemina á þessu hausti þann 10. September. Stjórnandi er Sigrún Magna Þórsteinsdóttir og hefur hún stjórnað kórnum frá því í mars 2017. Æfingar eru á sunnudögum og kórfélagar eru um .65 talsins.
Aðalfundur kórsins var haldinn 17. September og var stjórnin sem starfaði á síðasta starfsári endurkjörin. Þórunn Jónsdóttir er formaður, Halla Sigurðardóttir varaformaður, Anna B. Sigurðardóttir gjaldkeri, Valdís Þorsteinsdóttir ritari og Margrét Ragúels meðstjórnandi.
Á aðalfundi Gígjunnar þann 21.október sl var kjörin ný stjórn Gígjunnar.
Stjórn Gígunnar árið 2017-2018 skiptir þannig með sér verkum:
Formaður: Kolbrún Halldórsdóttir, Kvennakór Reykjavíkur
Varaformaður: Hólmfríður Anna Aðalsteinsdóttir, Kvennakórinn Heklurnar
Ritari: Una Þórey Sigurðardóttir, Kvennakór Akureyrar
Gjaldkeri: Astrid Sörensen, Kvennakór Reykjavíkur
Meðstjórnandi: Valgerður Hanna Úlfarsdóttir Kvennakór Hornafjarðar
Varakonur í stjórn:
Aðalheiður Gunnarsdóttir Kvennakór Suðurnesja og Rósa Kristín Benediktsdóttir Kvennakór Reykjavíkur.
Nýkjörin stjórn færir Bryndísi Bjarnarson fráfarandi formanni, Guðlaugu Ásgeirsdóttur fráfarandi gjaldkera og Petru Jónsdóttur fráfarandi meðstjórnanda kærar þakkir fyrir vel unnin störf.
Fundargerð aðalfundar má finna hér.
Kvennakór Hafnarfjarðar heldur tónleika í Víðistaðakirkju fimmtudaginn 16. nóvember kl. 20:00. Gestir tónleikanna verða Kór Öldutúnsskóla og Brynhildur Auðbjargardóttir, stjórnandi kórsins.
Tónleikarnir fara fram á degi íslenskrar tungu og bera yfirskriftina Ástkæra, ylhýra. Á efnisskránni verða íslensk þjóðlög ásamt lögum eftir Atla Heimi Sveinsson, Jón Ásgeirsson og fleiri íslensk tónskáld. Sem dæmi um ljóðahöfunda má nefna Halldór Laxness, Davíð Stefánsson, Olgu Guðrúnu Árnadóttur og Káin. Í stuttu máli má segja að yrkisefnið í ljóðunum sem kórinn flytur séu bernskan, lífið og tilveran.
Stjórnandi Kvennakórs Hafnarfjarðar er Erna Guðmundsdóttir og píanóleikari er Antonía Hevesi. Stjórnandi Kórs Öldutúnsskóla er Brynhildur Auðbjargardóttir.
Miðasala á tónleikana fer fram hjá kórkonum og við innganginn og er miðaverð 2.500 kr. Einnig má senda tölvupóst á kvennakor.hafnarfjardar@gmail.com eða skilaboð á Facebook síðu kórsins. Ókeypis er fyrir börn 12 ára og yngri. Ekkert hlé verður á tónleikunum en boðið verður upp á kaffi og konfekt að þeim loknum.
