Landssamband íslenskra Kvennakóra

Kvennakór Akureyrar hefur æft stíft að undanförnu og tveir æfingadagar hafa verið haldnir frá áramótum. Upptökur fyrir geisladisk verða í lok apríl og vortónleikar kórsins verða haldnir í Akureyrarkirkju 4. maí. Starfsárinu lýkur svo með söngför til Eistlands 21. - 28. júní.

Æfingadagar Kvennakórs Akureyrar heppnuðust vel
Frá áramótum hafa nú verið haldnir tveir æfingadagar, sá fyrri 23. febrúar í Valsárskóla á Svalbarðsströnd en sá síðari 15. mars í Brekkuskóla á Akureyri. Æft var frá kl. 10 að morgni til kl 16-17 en hádegishlé með mat var tekið á staðnum. Í Valsárskóla sá kvenfélagið á staðnum um að elda en í Brekkuskóla var fenginn matur frá Subway. Báðir dagarnir tókust mjög vel og í seinna skiptið kom til liðs við okkur væntanlegur undirleikari í Eistlandsferðinni, Jaan Alavere, en hann er einmitt fæddur og uppalinn í Eistlandi en hefur búið á Íslandi undanfarin ár.
Kvennakór Akureyrar hefur æft stíft að undanförnu og tveir æfingadagar hafa verið haldnir frá áramótum. Upptökur fyrir geisladisk verða í lok apríl og vortónleikar kórsins verða haldnir í Akureyrarkirkju 4. maí. Starfsárinu lýkur svo með söngför til Eistlands 21. - 28. júní.Fjáröflun
Kökubasar var haldinn á Glerártorgi 7. mars en áður hafði einn slíkur verið haldinn 10. nóvember á sama stað. Í bæði skiptin var mjög góð sala og seldist allt upp og er því fyrirhugað að halda einn kökubasar enn 2. maí n.k. Þess má geta að kórfélagar sem ekki hafa tök á að koma með köku á basarinn borga í þess stað 2.500 kr. í sjóðinn.
Kvennakór Akureyrar hefur æft stíft að undanförnu og tveir æfingadagar hafa verið haldnir frá áramótum. Upptökur fyrir geisladisk verða í lok apríl og vortónleikar kórsins verða haldnir í Akureyrarkirkju 4. maí. Starfsárinu lýkur svo með söngför til Eistlands 21. - 28. júní.

Undirbúningur fyrir útgáfu á deisladiski
Ákveðið hefur verið að kórinn gefi út geisladisk og fara upptökur fram 25. – 27. apríl í tónlistarhúsinu Laugarborg í Eyjafjarðarsveit undir stjórn Sigurðar Rúnars Jónssonar (Didda fiðlu).
Kvennakór Akureyrar hefur æft stíft að undanförnu og tveir æfingadagar hafa verið haldnir frá áramótum. Upptökur fyrir geisladisk verða í lok apríl og vortónleikar kórsins verða haldnir í Akureyrarkirkju 4. maí. Starfsárinu lýkur svo með söngför til Eistlands 21. - 28. júní.

Vortónleikar kórsins verða 4. maí
Vortónleikar kórsins verða haldnir 4. maí í Akureyrarkirkju kl. 16:30 og verða kynntir nánar þegar nær dregur.
Kvennakór Akureyrar hefur æft stíft að undanförnu og tveir æfingadagar hafa verið haldnir frá áramótum. Upptökur fyrir geisladisk verða í lok apríl og vortónleikar kórsins verða haldnir í Akureyrarkirkju 4. maí. Starfsárinu lýkur svo með söngför til Eistlands 21. - 28. júní.

Tónleikaferð til Eistlands í júní
Starfsárið verður óvenju langt að þessu sinni, kórinn syngur við messu á sjómannadaginn, 1. júní í Akureyrarkirkju og að síðustu verður farið í tónleikaferð til Eistlands dagana 21. júní til 28. júní. Flogið verður frá Keflavík til Helsinki, siglt með glæsiferju þaðan til Tallin og ekið þaðan áfram sem leið liggur til Pärnu. Eftir vikudvöl í Eistlandi og tónleikahöld í Pärnu, Tartu og Tallinn er haldið sömu leið til baka á laugardeginum 28. júní. Ferðasaga verður svo birt hér á vefsetri Gígjunnar að ferðinni lokinni.

Kvennakór Öldutúns mun halda tónleika í Hamrinum, sal Flensborgarskóla í Hafnarfirði. Kvennakórinn mun ásamt Kór Öldutúnsskóla flytja kvikmyndatónlist. Gestir á tónleikunum verða þau Hjörleifur Valsson fiðluleikari, Hanna Björk Guðjónsdóttir söngkona og Ívar Helgason leikari og söngvari en tvö síðastnefndu sungu í Kór Öldutúnsskóla sem börn. Stjórnendur tónleikanna verða Brynhildur Auðbjargardóttir og Egill Friðleifsson. Tónleikarnir fara fram sunnudaginn 25. maí kl. 16.00. Miðaverð er kr. 1500 í forsölu en kr. 2000 við innganginn.

Kvennakórinn Vox feminae hélt tónleika 12. mars undir yfirskriftinni Stabat Mater. Á tónleikunum flutti kórinn m.a. verk eftir John A. Speight sem John samdi sérstaklega fyrir Margréti J. Pálmadóttur og Vox feminae. Verkið er eitt það lengsta verk sem samið hefur verið fyrir íslenskan kvennakór. Inntak þess er helgað Maríu Guðsmóður við krossfestingu Krists. Jónas Sen skrifaði eftirfarandi gagnrýni um tónleikana sem birtist í Morgunblaðinu 15. mars

Skemmtilegir tónleikar (4 stjörnur af 5 mögulegum)
Morgunblaðið, laugardaginn 15. mars, 2008 - Tónlist TÓNLIST - Kristskirkja Mærin mæra mændi Kórtónleikar****- Skemmtilegir tónleikar John Speight samdi Stabat mater. John Speight: Stabat mater. Vox feminae söng ásamt Sif Tulinius (fiðlu), Hildigunni Halldórsdóttur (fiðlu), Þórunni Ósk Marinósdóttur (víólu), Bryndísi Höllu Gylfadóttur (selló) og Hávarði Tryggvasyni (kontrabassa). Einsöngur: Sigríður Aðalsteinsdóttir. Einsöngur: Sigríður Aðalsteinsdóttir. Einleikur: Daði Kolbeinsson (englahorn). Stjórnendur: John Speight, Margrét Pálmadóttir. Miðvikudagur 12. mars. Ég var að keyra niður í bæ að morgni til þegar ég heyrði syfjað útvarpsfólk reyna að segja eitthvað gáfulegt um fyrirhugaða tónleika Vox feminae í Kristskirkju á miðvikudagskvöldið. Ekki voru þau viss um tímasetninguna en komust þó fljótlega að því að tónleikarnir væru klukkan 20.30. Og svo tilkynntu þau að flytja ætti Stabat mater á tónleikunum, en það væri hið merkilegasta tónverk. Hvergi kom fram nafn tónskáldsins, líkt og aðeins eitt tónverk væri til sem héti Stabat mater. Kannski áttu þau við Vivaldi, sem vissulega samdi frægt tónverk með þessu nafni. Eða Palestrina, Haydn, Gounod, Penderecki, Poulenc, Szymanowski, Verdi, Alessandro Scarlatti, Domenico Scarlatti, Arvo Pärt eða Verdi. Meira að segja franska svartmetalbandið Anorexia Nervosa hefur samið Stabat mater. Nei, tónskáldið að þessu sinni var John Speight og hann stjórnaði sjálfur flutningnum sem auk kórsins var í höndum lítillar strengjasveitar, Sigríðar Aðalsteinsdóttur messósópran og Daða Kolbeinssonar, er lék á svonefnt englahorn, eða enskt horn, en það er einskonar óbó. Hvað þýðir annars Stabat mater? Það er stytting á Stabat mater dolorosa, upphafslínu í frægu ljóði frá 13. öld. Matthías Jochumsson þýddi upphafserindið svo: „Stóð við krossinn mærin mæra / mændi á soninn hjartakæra / Grátin sá, hvar Guðs son hékk.“ Í ljóðinu er hugleidd þjáning Maríu þegar sonur hennar, Jesús er krossfestur. Eins og nærri má geta er andrúmsloftið tregafullt og John Speight hefur náð ágætlega að fanga stemningu textans. Dapurlegir einleikskaflar englahornsins, sem Daði Kolbeinsson útfærði af listfengi, römmuðu inn síendurteknar, hnígandi, nánast tárvotar strengjahendingar; hjartnæman, einstaklega fallegan einsöng og tilfinningaþrunginn kórsöng. Mismunandi þættir verksins voru í góðu jafnvægi og úrvinnsla tónskáldsins á helstu meginhugmyndum var afslöppuð, sannfærandi án þess að fara út í öfgar, en þannig var merkingu textans ávallt haldið á lofti af smekkvísi. Óhætt er að fullyrða að Stabat mater eftir Speight sé vel unnið og vandað tónverk. Mér láðist að taka tímann á tónsmíðinni (enda hallærislegt að glápa á klukkuna þegar maður á hálfpartinn að vera með lokuð augun í öðrum heimi) en ég giska á að tónlistarflutningurinn hafi tekið um hálftíma. Það er auðvitað ekki nóg fyrir heila tónleika og því flutti kórinn og aðrir tónlistarmenn, að þessu sinni undir stjórn Margrétar Pálmadóttur, lög á borð við Á föstudaginn langa, Nú legg ég augun aftur og annað sem tengja má við páskana. Eins og í verki Speights var hástemmdur söngur kórsins unaðslegur áheyrnar og því er ekki annað hægt að segja en að þetta hafi verið skemmtilegir tónleikar. Jónas Sen (Morgunblaðið; laugardaginn 15. mars, 2008)

Kvennakórinn Vox feminae heldur tónleika undir yfirskriftinni Stabat Mater í Kristskirkju Landakoti miðvikudaginn 12. mars kl. 20.30. Stabat Mater, sem John A. Speight samdi sérstaklega fyrir Margréti J. Pálmadóttur og Vox feminae, var frumflutt í nóvember og er eitt lengsta verk sem samið hefur verið fyrir íslenskan kvennakór. Inntak þess er helgað Maríu Guðsmóður við krossfestingu Krists og á tónleikunum verður einnig flutt úrval kirkjulegra verka sem hæfa þeim tíma kirkjuársins sem framundan er. Flytjendur auk Vox feminae eru Sigríður Aðalsteinsdóttir, mezzósópran, Daði Kolbeinsson, englahorn, Sif Tulinius, 1. fiðla og konsertmeistari, Hildigunnur Halldórsdóttir, 2. fiðla, Þórunn Ósk Marinósdóttir, víóla, Bryndís Halla Gylfadóttir, selló og Hávarður Tryggvason, bassi. Listrænn stjórnandi tónleikanna er Margrét J. Pálmadóttir en flutningi verksins Stabat Mater mun John A. Speight stjórna. Miðaverð er kr. 2.000.- í forsölu (hjá kórfélögum og í síma 863 4404) og miðaverð við innganginn er kr. 2.500.-