Landssamband íslenskra Kvennakóra

Nú þegar margir eru á fullu að undirbúa ferð sína á landsmótið á Hornafirði þá er ekki úr vegi að minna á geisladiskinn sem tekinn var upp á síðasta landsmóti í Hafnarfirði. Diskurinn er tvöfaldur, stórglæsilegur í alla staði og ber heitið Landsmót íslenskra kvennakóra Hafnarfirði 29. apríl – 1. maí 2005. Á diskinum eru lög sem allir kórar á mótinu syngja saman en einnig eru á diskinum tvö lög frá hverjum kór. Nánari upplýsingar um þennan disk er að finna hér á vefsetrinu undir Útgáfa – Kvennakór Hafnafjarðar og einnig undir Landsmót – 2005 Hafnafjörður. Þeir sem hafa áhuga á að kaupa þennan skemmtilega disk geta sent tölvupóst á netfang Kvennakórs Hafnarfjarðar helgamr[hjá]simnet.is og pantað sér eintak. Diskurinn kostar kr. 2000.-

Diskur 1
1.- 4. Gospelsveifla, Björgvinslög
5. Máttur söngsins
6. Mamma
7. Maríubæn
8. Hoffinskvæði
9. Margt er sér til gamans gert Jónasarlög
10. Úr Hulduljóðum
11. Vorvísa (Tinda fjalla) Kirkjuleg verk
12. Tantum ergo
13. Sköpun og fæðing skírn og prýði
14. Nigra sum
15. Úr útsæ rísa Íslands fjöll
16. Sjá dagar koma
17. Hvar eru fuglar
18. Vorgleði
19. Maístjarnan Kvennakór Hafnafjarðar
20. Ave Maria Lucijan M. Skerjanc
21. Cantemus Ljos Bardos

Diskur 2
Kvennakórinn Ymur
1. Land míns föður
2. Vísur Vatnsenda-Rósu
Kvennakór Suðurnesja
3. I feel pretty
4. Somewhere
Kvennakór Siglufjarðar
5. We are sisters
6. Kenndu mér að kyssa rétt
Kvennakórinn Ljósbrá
7. Kum By Yah
8. Já, svo sannarlega
Kvennakór Reykjavíkur
9. Ektamakinn elskulegi
10. Krummi
Kvennakór Hornafjarðar
11. Erghen diado
12. Fly me to the moon
Jórukórinn Selfossi
13. Laposet, laukokaa
14. Gömul vísa um vorið
Kvennakórinn Seljur
15. Söngur um frelsi
16. Kenndu mér að kyssa rétt
Kvennakórinn Norðurljós
17. Ég heillaðist
18. Leiðarljós
Kvennakór Kaupmannahafnar
19. Konur
20. Vinger
Kvennakór Garðabæjar
21. Cantate Domino
22. Yo le canto todo el dia
Kyrjukórinn Þorlákshöfn
23. Your are the light
24. The storm is passing over

Nokkuð er um það að kórar séu að láta taka upp tónleika sína þannig að hægt sé að búa til tónleikadisk(CD). Þessir geisladiskar eru mjög sniðugir fyrir kóra að eiga í fyrsta lagi eru þeir góð heimild um tónleikana og í öðru lagi þá er gott að eiga upptökur af lögum fyrir nýliða sem eru að byrja í kórnum. Gígjunni barst bréf frá Soffíu Reynisdóttur sem er áhugamanneskja um kvikmyndatökur. Hún getur tekið að sér að kvikmynda tónleika (DVD) ef kórar hafa áhuga á. Sjá meðfylgjandi tilboðsbréf frá Soffíu.

Tilboð frá Soffíu Reynisdóttur
Sælar dömur,
Ég er áhugamanneskja um kvikmyndatökur og hef tekið upp tónleika hjá kvennakór sem ég setti á DVD disk. Ég hef nú hugsað mér að gera meira af því að taka upp viðburði af þessu tagi og ef þið eða þ.e.a.s. einhverjir af ykkar aðildarkórum hafa áhuga á að láta taka upp viðburð af þessu tagi þá endilega hafið samband. Ég hef ekki tekið pening fyrir að koma og taka upp en sel diskinn á 2000 kr. Ég þarf hins vegar að sjá fyrir að ef vel tekst til að áhugi sé hjá meðlimum í það minnsta að kaupa eintak. Öll mín vinna er unnin á þeim forsendum að ég tek ekkert fyrir fyrr en lokaafurð er tilbúin og hægt er að sjá hver útkoman er. Mistakist eitthvað í upptökum eða vinnslu er áhættan eingöngu mín og enginn tilkostnaður þeirra sem að standa nema ef vera kynni einhver ferðakostnaður. Ef þið hafið áhuga á þessu endilega hafið þá samband við mig.
Kær kveðja,
Soffía Reynisdóttir soffiar(hjá)simnet.is

Hvað er the World Symposium on Choral Music? World Symposium on Choral Music er einn af merkilegustu atburðum í hinni alþjóðlegu kóraveröld. Þetta mót er haldið á þriggja ára fresti, nú síðast var það haldið í Kyoto í Japan (2005) og þar á undan í Minneapolis í Norður Ameríku (2002). Í ár verður Symposium haldið í Kaupmannahöfn í Danmörku 19. til 26. júlí og er það áttunda í röðinni. Mótið verður haldið í hinu stór glæsilega Óperuhúsi í Kaupmannahöfn sem tekur um 1700 manns í sæti. Frekari upplýsingar um mótið er að finna á vefsetrinu: http://www.choraldenmark.org

Dagatal Kvennakórs Hornafjarðar hefur selst eins og heitar lummur en þetta er þriðja árið í röð sem kórinn gefur út dagatal með myndum af kórkonum. Dagatölin eru sem sagt orðin þrjú og hafa aldrei verið eins. Í ár var indverskt þema og fór kórinn hamförum í búningum, hári og förðun. Alla búninga fékk kórinn að láni hjá sömu konunni sem er búsett á Höfn. Alltaf er mikið lagt í dagatalið og koma þar einungis fagmenn við sögu. Dagatalið kosta kr. 2000.- og er til sölu hjá kórkonum. Það er minnsta mál að senda dagatalið hvert á land sem er, sendið okkur bara línu, sjón er sögu ríkari!