Landssamband íslenskra Kvennakóra

Hannan El-Shemouty frá Kairó mun halda þrenna tónleika hér á landi og munu tónlistmennirnir Steingrímur Guðmundsson á slagverk og Hilmar Örn Agnarsson á orgel leika með henni. Hún fær einnig tvo kóra til liðs við þig Kvennakórinn Vox Feminae undir stjórn Margrétar J. Pálmadóttur og Kammerkór Suðurlands sem Hilmar Örn Agnarsson stjórnar. Á dagskránni verða flutt þjóðlög úr ýmsum áttum þar á meðal íslensk þjóðlög sem leikin verða í nýjum búningi.

Hannan El-Shemouty frá Kairó mun halda þrenna tónleika hér á landi og munu tónlistmennirnir Steingrímur Guðmundsson á slagverk og Hilmar Örn Agnarsson á orgel leika með henni. Hún fær einnig tvo kóra til liðs við þig Kvennakórinn Vox Feminae undir stjórn Margrétar J. Pálmadóttur og Kammerkór Suðurlands sem Hilmar Örn Agnarsson stjórnar. Á dagskránni verða flutt þjóðlög úr ýmsum áttum þar á meðal íslensk þjóðlög sem leikin verða í nýjum búningi.Hanan EL-Shemouty er borin og barnfædd í Kairo í Egyptalandi
Hannan El-Shemouty frá Kairó mun halda þrenna tónleika hér á landi og munu tónlistmennirnir Steingrímur Guðmundsson á slagverk og Hilmar Örn Agnarsson á orgel leika með henni á öllum tónleikunum. Tónleikarnir eru á eftirfarandi stöðum: Reykjavík: Fríkirkjunni 18. október, kl. 20.00 Vox Feminae, Margrét J. Pálmadóttir stjórnar kórnum. Aðgöngumiðar eru seldir við innganginn kr. 1.000.- Vestmannaeyjum: Vélasalnum 20. október, kl. 14.00 Aðgangur ókeypis. Skálholti: 21. október, kl. 16.00 Kammerkór Suðurlands, Hilmar Örn Agnarsson stjórnar kórnum. Aðgangur ókeypis. Hanan EL-Shemouty er borin og barnfædd í Kairo í Egyptalandi. Sem barn lærði hún jafnt vestræna klassíska tónlist sem klassíska arabíska tónlist, á qanun og 84 strengja sítar. Hún útskrifaðis frá listaháskólanum í Köln sem magister í kvikmyndatónlist og Master of Art. Í dag er Hanan starfandi tónlistarmaður í Þýskalandi. Í gegnum tíðina hefur Hanan unnið með leiklistarhópum, haldið óteljandi tónleika, námskeið og fyrirlestra og komið fram á ýmsum námskeiðum þar sem hún hefur m.a mikið unnið með börnum. Hún er vel þekkt í Þýskalandi og víðar. Árið 2001 stofnaði Hanan tónlistarhópinn Layaly Ensemble en sá hópur sérhæfir sig í klassískri oriental tónlist og er starfandi í Berlín. Með þeim hópi gaf hún út geisladiskinn Orient-Okzident en þar syngur Hanan og leikur á margskonar austurlensk hjóðfæri, sérgrein hennar eru slagverks hljóðfæri. Á einsöngstónleikum hefur hún lagt áherslu á klassíska arabíska tónlist við undirleik ýmissa þekktra hljóðfæraleikara. Einnig hefur hún lagt sig fram um að mynda tengsl milli hefðbundinnar austrænnar tónlistar og vestrænnar nútímatónlistar. Nánari upplýsingar um Hannan El-Shemouty frá Kairó er að finna á vefsetrinu: http://www.oriental-jazz.de/

Kvennakór Garðabæjar og menningar- og safnanefnd bæjarins stóðu saman að Haustvöku í Kirkjuhvoli 11. október. Haustvakan er hluti af þriggja ára samstarfssamningi sem kórinn gerði við Garðabæ síðastliðið ár en þetta er í sjöunda sinn sem kvennakórinn býður upp á þessa miklu menningarhátíð. Haustvakan hefur frá upphafi verið vel sótt og heppnast prýðilega og var engin undantekning þar á nú í ár, salurinn var fullsetinn og mikil stemmning í mannskapnum. Á boðstólum voru léttar veitingar að hætti kórkvenna og skapaðist sannkölluð kaffihúsastemmning í salnum sem var fagurlega skreyttur af kórkonum í tilefni kvöldsins.Fréttatilkynning frá Kvennakór Garðabæjar
Kvennakór Garðabæjar og menningar- og safnanefnd bæjarins stóðu saman að Haustvöku í Kirkjuhvoli 11. október. Haustvakan er hluti af þriggja ára samstarfssamningi sem kórinn gerði við Garðabæ síðast liðið ár en þetta er í sjöunda sinn sem kvennakórinn býður upp á þessa miklu menningarhátíð. Haustvakan hefur frá upphafi verið vel sótt og heppnast prýðilega og var engin undantekning þar á nú í ár, salurinn var fullsetinn og mikil stemmning í mannskapnum. Á boðstólum voru léttar veitingar að hætti kórkvenna og skapaðist sannkölluð kaffihúsastemmning í salnum sem var fagurlega skreyttur af kórkonum í tilefni kvöldsins. Venja er á Haustvöku að bjóða bæjarbúum upp á það besta sem býðst í menningarlífi Garðabæjar hverju sinni. Hefð er komin fyrir því að Kristín Helga Gunnarsdóttir rithöfundur haldi utan um dagskrána og gerði hún það með glæsibrag líkt og áður. Einnig hefur skapast sú hefð að bæjarlistamaður Garðabæjar komi fram og í ár var það Karl Ágúst Úlfsson leikari sem las gestum pistilinn. Karlmennskan var inntak frásagnar Karls Ágústs en hann taldi það nauðsynlegt til að skapa smá mótvægi við allan kvennafansinn sem heilum kvennakór fylgir. Frá upphafi hefur það verið eitt af markmiðum Haustvökunnar að leyfa unga listafólkinu í bænum að njóta sín og er það meðal annars gert með samstarfi við Tónlistarskóla Garðabæjar. Glæsilegur fulltrúi skólans að þessu sinni var Berglind Bergmann nemandi í píanóleik en hún lék listilega vel fyrir gesti og verður gaman að fylgjast með þessari ungu konu í framtíðinni. Ekki síður glæsilegar voru Alma Guðmundsdóttir og Klara Ósk Elíasdóttir úr sönghópnum Nylon en þær sungu nokkur lög við píanóleik Kristjáns Sturlu Bjarnasonar nemanda í FÍH. Þær stöllur fengu aukna breidd í aðdáendahópinn sinn með því að sýna á sér nýja hlið með látlausum, yfirveguðum og órafmögnuðum flutningi. Þess má til gamans geta að Alma á móður og systur í Kvennakór Garðabæjar og bróðir hennar er höfundur tónverks sem kórinn hyggst flytja á tónleikum í Kaupmannahöfn 27. október. Kvennakór Garðabæjar tróð að sjálfsögðu upp undir stjórn Ingibjargar Guðjónsdóttur við píanóleik Sólveigar Önnu Jónsdóttur sem starfar með kórnum um þessar mundir. Efnisskráin stóð að mestu af íslenskum sönglögum við ljóð Jónasar Hallgrímssonar í tilefni af 200 ára fæðingarafmæli skáldsins og verða þau einnig flutt í söngferð kórsins til Kaupmannahafnar 25.-28. október. Kvennakór Garðabæjar heldur uppi glæsilegri heimasíðu, http://www.kvennakor.is/ þar sem lesa má um starfsemi kórsins. Þar má m.a. finna uppskriftina að döðlukonfektinu sem var meðal veitinga á kvöldinu og vakti þvílíka lukku meðal gestanna. Endilega kíkið á síðuna og lesið meira um þennan kraftmikla kór sem svo sannarlega hefur sett svip sinn á menningarlíf Garðabæjar frá stofnun hans, árið 2000.

Kvennakór Garðabæjar fer í sína aðra söngferð á erlenda grundu nú í lok október. Ferðinni er heitið til Kaupmannahafnar en megintilgangur ferðarinnar er að heiðra Íslenska kvennakórinn í Kaupmannahöfn á 10 ára starfsafmæli hans. Stjórn Kvennakórs Garðabæjar og ferðanefnd hafa unnið ötullega að skipulagningu ferðarinnar síðastliðna mánuði. Þátttaka kórkvenna og maka er hreint glæsileg og eru ferðalangar 56 talsins auk kórstjóra og píanóleikara. Eftirvænting er orðin mikil enda frábærlega vel heppnuð ferð hópsins til Prag og Vínarborgar árið 2005 enn í fersku minni.Dagskrá ferðarinnar:
Eftir að lent er á Kastrup flugvelli er ferðinni heitið á Norðurbryggju í Íslenska sendiráðið þar sem kórinn syngur nokkur lög í formlegri móttöku sendiráðsins. Þá verður haldið til miðborgar Kaupmannahafnar á hið glæsilega Hótel Phoenix við Amalienborgarhöllina. Áður en masterclass námskeið hefst með Peter Bom bjóða kórkonur Kaupmannahafnarkórsins stallsystrum sínum í léttan málsverð í Jónshúsi. Kórkonur fá að njóta fyrrihluta föstudagsins í að versla á Strikinu en kl. 16.00 er mæting í Jónshúsi þar sem æft verður fyrir tónleikana. Kvöldinu eyðir íslenski hópurinn í margrétta kvöldverði á hinu þekkta veitingahúsi Restaurationen sem rekinn er af Jacobsen hjónunum sem störfuðu áður fyrir dönsku konungsfjölskylduna. Restaurationen er sagður hreinn ævintýraheimur matgæðinga og á enginn að vera svikinn af mat listakokkanna Bo og Lisbeth Jacobsen. Skipulögð dagskrá hefst hjá kórkonum að morgni næsta dags með upphitun og æfingu fyrir tónleikana. Á meðan munu makar fara í skoðunarferð um borgina undir stjórn Þorvaldar Flemming Jensen og ekki ólíklegt að þeir komi við á hinni frægu Hvids vinstue rétt til að væta kverkarnar. Kórtónleikarnir hefjast svo kl. 14.00 í hátíðarsal Köbenhavns Bymuseet á Vesterbrogade en gestur Kvennakórs Garðabæjar er Íslenski kvennakórinn í Kaupmannahöfn. Kóranir syngja nokkur lög sameiginlega en hæst ber lög Atla Heimis Sveinssonar við texta Jónasar Hallgrímssonar í tilefni af 200 ára fæðingarafmæli skáldins í ár. Sameiginlegur kvöldverður kóranna verður að loknum tónleikunum og skemmtunin mun væntanlega vara langt fram eftir kvöldi. Á lokadegi ferðarinnar, sunnudeginum 28. október, er um ýmislegt að velja fyrir hópinn. Þeir sem vilja taka daginn snemma geta skellt sér í skoðunarferð um hið nýja og glæsilega óperuhús Kaupmannahafnar eða rölt um borgina undir stjórn Sigrúnar Gísladóttur, fyrrum skólastjóra Flataskóla Garðabæjar, en hún er búsett þar ytra. Þeir sem vilja enda ferðina með menningarlegu ívafi ætla að bregða sér í óperuna og sjá Ævintýri Hoffmanns eftir Offenbach, en Kvennakór Garðabæjar hefur einmitt sungið hinn fræga Bátsöng úr þeirri óperu. Vonandi dregst sýningin þó ekki á langin því hópurinn á bókað flug heim til Íslands skömmu eftir að sýningunni á að ljúka. Íslenski kvennakórinn í Kaupmannahöfn var stofnaður á haustmánuðum 1997 af Ingibjörgu Guðjónsdóttur, söngkonu og kórstjóra. Hún stjórnaði kórnum fyrstu tvö árin en undir hennar stjórn fór kórinn í sína fyrstu söngerð til Íslands og hélt glæsilega tónleika í Seltjarnarneskirkju fyrir fullu húsi. Eins og áður sagði hlökkum við í Kvennakór Garðabæjar mikið til og við hvetjum lesendur til að láta vini og ættingja í Kaupmannahöfn vita af tónleikunum á laugardeginum. Nánari upplýsingar má finna á heimasíðu Kvennakórs Garðabæjar, http://www.kvennakor.is/ og þar er einnig krækja á heimasíðu Íslenska kvennakórsins í Kaupmannahöfn, http://www.kvennakorinn.dk/.

Fimmta Kórastefnan var haldin við Mývatn í júní í sumar. Þátttakendur voru um 270; fjórir kvennakórar, einn blandaður kór og einn stúlknakór ásamt Sinfóníuhljómsveit Norðurlands. Bandaríska blökkukonan Lynnel Joy Jenkins var með vinnubúðir og sungu kórarnir á ýmsum „frumlegum“ stöðum síðan voru haldnir glæsilegir lokatónleikar. Listrænn stjórnandi og skipuleggjandi Kórastefnu er Margrét Bóasdóttir, hafin er undirbúningur fyrir Kórastefnuna 2008.Fimmta Kórastefna við Mývatn var haldin 7. - 10. júní 2007
Fimmta Kórastefna við Mývatn var haldin 7. - 10. júní 2007. Listrænn stjórnandi og skipuleggjandi hennar er Margrét Bóasdóttir. Þátttakendur voru um 270 manns, kórsöngvarar og Sinfóníuhljómsveit Norðurlands. Í fyrsta sinn var nú kvennakórum boðin þátttaka og voru um 120 söngkonur mættar til leiks. Kvennakór Akureyrar, Kvennakórinn Uppsveitasystur í Árnessýslu, Vestfirsku Valkyrjurnar á Ísafirði og nokkrar Gospelsystur úr Reykjavík. Auk kvennakóra voru um 80 söngvarar í blönduðum kór Kórastefnu sem fluttu "Mass of the Children" eftir John Rutter, ásamt Stúlknakór Akureyrarkirkju og hljómsveit. Bandaríska blökkukonan Lynnel Joy Jenkins stýrði vinnu kvennakóranna og Gróa Hreinsdóttir lék með á píanó. Viðfangsefni kvennakóranna var Heimstónlist "world-music" og valdi Lynnel sjö lög frá hinum ýmsu heimshornum sem kórarnir undirbjuggu og síðan var æft á öllum heimsins tungumálum með danssporum og sveiflu í félagsheimilinu Skjólbrekku. Á kvöldin voru tónleikar þátttökukóra og sungið á ýmsum stöðum svo sem í hraunhvelfingu Laxárstöðvar í Aðaldal og í Jarðböðunum við Mývatn. Lokatónleikarnir fóru fram í íþróttahúsinu í Reykjahlíð sunnudaginn 10. júní fyrir fullu húsi og glæsilegum viðtökum. Að afloknum tónleikum var skálað fyrir ánægjulegum dögum, frábærri samvinnu og sólbaðsveðri. Á Kórstefnu 2008 verður karlakórum boðin þátttaka ásamt blönduðum kórum, en kvennakórar munu örugglega fá fleiri tækifæri til þátttöku, svo glæsileg var frammistaða þeirra.