Landssamband íslenskra Kvennakóra

Kvennakór Hafnafjarðar er að ljúka sínu tólfta starfsári um þessar mundir. Vortónleikar kórsins verða haldnir fimmtudaginn 26. apríl kl. 20.30 í SÁÁ salnum Efstaleiti 7 í Reykjavík og síðan laugardaginn 28. apríl kl. 16.00 í hátíðasal Flensborgarskólans Hamrinum. Til leiks með okkur fengum við Tangósveit lýðveldisins undir stjórn Hjörleifs Valssonar, fiðluleikara og einsöngvarann Jóhann Friðgeir Valdimarsson. Hin suðræna og seiðandi sveifla tangósins verður í fyrirrúmi og vonandi munum tónleikagestir skemmta sér vel og finna taktinn í sjálfum sér. Stjórnandi kórsins er Hrafnhildur Blomsterberg og píanóleikari verður Antonía Hevesi.Stiklur nýr hljómdiskur
Það má með sanni segja að þetta starfsár hafi verið viðburðrríkt í tilefni tíu ára afmæli kórsins var ákveðið að gefa út geisladisk. Upptakan fór fram í endan október í Fella og Hólakirkju og í desember leit afraksturinn dagsins ljós, diskurinn ber nafnið Stiklur. Á tíunda afmælisári kórsins samdi Hildigunnur Rúnarsdóttir lag fyrir kórinn sem ber þetta nafn Stilkur, útsett af Lilju Sólveigu Kristjánsdóttur. Hvað á þá betra við núna en upphafslínur þessa lags í byrjun sumars. “Vorið er að vakna vorsins klukkur hringja. Ljúfir ljósins englar líða um jörð og syngja”.

Kvennakór Garðabæjar bauð Garðbæinga og aðra gesti velkomna á opna kóræfingu laugardaginn 14. apríl. Æfingin var haldin á Garðatorgi þar sem gestir og gangandi gátu fengið glögga mynd af því hvernig reglubundnar æfingar kórsins ganga fyrir sig. Lagaval kórsins var sérlega fjölbreytt enda vortónleikar framundan með nýstárlegu sniði. Kórinn stóð fyrir pönnukökusölu á torginu í fjáröflunarskyni og hafa eflaust þeir sem styrktu kórinn gætt sér á ljúffengum pönnsum þegar heim var komið. Opin kóræfing er nýbreytni í starfsemi kórsins og liður í að kynna kórstarfið, jafnframt því að auðga menningu og mannlífið í Garðabæ. Kórkonur þakka torggestum kærlega fyrir þessa skemmtilegu stund og vonast til að sjá sem flesta á komandi vortónleikum kórsins 6. og 7. maí. Fylgist með fréttum af Kvennakór Garðabæjar á glæsilegri heimasíðu kórsins; www.kvennakor.is

Kvennakórinn Ljósbrá heldur sína árlegu vortónleika föstudaginn 27. apríl kl. 20:30 í Hvolnum á Hvolsvelli. Í ár eru tónleikarnir í fjörugari kantinum þar sem kórinn fær til liðs við sig Djassband Suðurlands ásamt einsöngvurunum Gísla Stefánssyni, Guðríði Júlíusdóttur og Margréti Hörpu Gunnsteinsdóttur. Dagskráin verður fjölbreytt með bæði íslenskum og erlendum lögum og mun rómantík og ást vera aðalefni kvöldsins.

Nú eru að fara af stað byrjendasöngnámskeið sem er ætlað öllum þeim sem vilja ná betri tökum á raddbeitingu sinni, öðlast öryggi og úthald. Farið verður í allt sem viðkemur söng; öndun, líkamsstaða; raddtækni; raddæfingar sem nemendur geta unnið með sjálfir og almenn sönglög sungin. Kennd verða grunnatriði í tónheyrn, takti og nótnalestri sem hjálpar þátttakendum að læra lög hraðar. Námskeiðið er tilvalið fyrir alla þá sem nota röddina mikið td. kórafólk, kennara, fólk sem á við raddþreytu að stríða og alla þá sem hafa áhuga á að kynna sér röddina betur. Námskeiðin standa yfir í mánuð í senn og er kennt á mánudögum og miðvikudögum. Næstu námskeið hefjast 14. maí og 11. júní. Kennari er Ingveldur Ýr söngkona og raddþjálfari. Nánari upplýsingar má finna á heimasíðunni www.songstudio.ehf.is og í síma 898 0108.